Drífa Snædal, formaður Alþýðusambands Íslands, hefur verið áberandi í verkalýðsbaráttunni undanfarið. Álíka áberandi í þessum slag á árum áður var stjórnmálamaðurinn Ögmundur Jónasson, sem árum saman var formaður BSRB og gegndi því samhliða þingstörfum. Líklega vita ekki margir að Drífa og Ögmundur eru skyld. En móðir Drífu, Sigríður Stefánsdóttir, og Ögmundur eru systkinabörn.
Kannski gengur ástríða fyrir málefnum verkalýðsins í ættir og ætli við munum sjá Drífu á þingi í framtíðinni líkt og frændi hennar gerði um langa hríð samhliða verkalýðsstörfum?