Umræða um jákvæða líkamsímynd hefur verið umfangsmikil á Íslandi síðustu ár. Jákvæð líkamsímynd snýst um að bera virðingu fyrir líkama sínum og líða vel í eigin skinni.
Jákvæð líkamsímynd hefur verið sérstaklega áberandi á samfélagsmiðlum. Hér er nokkrir íslenskir áhrifavaldar sem hafa opnað sig um líkamsímynd við góðar undirtektir.
Listinn er langt frá því að vera tæmandi, þetta er aðeins brot af því merkilega hlutverki sem þessar konur hafa leikið í baráttunni fyrir bættri líðan og aukinni sjálfsvirðingu.
https://www.instagram.com/p/B-m7vTSD4Kk/
Einkaþjálfarinn Margrét Gnarr hefur verið mjög opin um baráttu sína við átröskun. Hún hefur verið í bata undanfarin tvö ár og eignaðist sitt fyrsta barn í janúar. Hún birtir reglulega færslur um jákvæða líkamsímynd og hvernig henni líður gagnvart líkama sínum hverju sinni.
„Það er ekki samasemmerki milli þess að léttast og lækna neikvæða líkamsímynd. Ég þarf að minna mig á það í hvert skipti sem ég hugsa um að létta mig,“ skrifaði Margrét í færslu á Instagram fyrr í mánuðinum.
https://www.instagram.com/p/B2PVdfWAMcO/
Fyrirsætan Ísold Halldórudóttir er ötul baráttukona fyrir líkamsvirðingu. Hún hefur
vakið mikla athygli, bæði hér heima og erlendis. Hún deilir myndum á Instagram
og skrifar oft með texta um bætta líkamsímynd.
„Ég ákvað að vera hávær með líkama mínum, að vera stolt af honum á meðan ég sýni heiminum galla mína, óöryggi mitt, efasemdir mínar, erfiðleika mína og yfirþyrmandi tilfinningu að vilja vera fullkomin. En ég er það […] Ég er fullkomin, því ég er fullkomlega ég sjálf,“ skrifar Ísold á Instagram í september síðastliðnum.
https://www.instagram.com/p/BkaHKK1n1IG/
Athafnakonan Lína Birgitta hefur talað opinberlega um baráttu sína við átröskun. Hún glímdi við lotugræðgi í mörg ár en er í dag heilbrigð. Hún opnaði sig um líkamsímynd sína í einlægri
færslu á Instagram árið 2018.
„Breytt hugarfar gagnvart eigin líkama er lykillinn að því að líða vel í eigin skinni. Í staðinn fyrir að fókusa á það slæma, fókusaðu á það góða og hvað líkaminn gerir þér kleift að gera! Það er líka magnað að pæla í því hvað líkaminn okkar hefur komið okkur í gegnum margt í lífinu!“ skrifaði hún.
https://www.instagram.com/p/B2rtrpogvIE/
Fyrirsætan Bryndís Líf birti myndir af slitförunum sínum og opnaði sig um líkamsímynd í Instagram Story í kjölfarið.
„Mér finnst stundum erfitt að deila myndum af mér þar sem ég er ekki uppstillt. Ég á það til að vera óörugg en ég er að vinna í því að láta þetta hætta að skipta mig máli. Ekki gleyma að við
erum öll eins, við erum öll falleg og við erum öll með magaspik (e. tummy rolls) […] Samfélagsmiðlar eru ekki raunverulegir. Hættum að bera okkur saman við fólk því í rauninni erum við öll eins.“
https://www.instagram.com/p/B8R1x3kA7Vk/
Erna Hrund opnaði sig nýverið um svokallaðan „magabömmer.“ Hún lýsir því sem „tilfinningu sem kemur alltaf reglulega upp í hausinn á mér“.
„Ég er almennt manneskja sem er að springa úr sjálfstrausti allan daginn. Ég ber mig vel, geng um eins og ég eigi heiminn liggur við en þegar maginn kemur út þá vil ég helst týnast. Held þetta verði stanslaus barátta hjá mér sjálfri og mér finnst ég fara fram og tilbaka en ég er bara mannleg og ég veit að ég er minn allra stærsti gagnrýnandi,“ sagði hún.
https://www.instagram.com/p/B_KtSnpjBFj/
Áhrifavaldurinn Sunneva Einarsdóttir birti öðruvísi mynd en venjulega á dögunum. Hún sýndi aðra hlið á sér og skrifaði með: „Sjálfsást.“
