Samfélagsmiðillinn Tik Tok hefur vakið gríðarlega lukku hjá yngri kynslóðinni, sérstaklega hjá krökkum á aldrinum 8 til 15 ára, en aðaltrendið á miðlinum er stutt dansmyndbönd.
Aldurssamsetning notenda á Íslandi hefur breyst lítið eitt eftir að kórónaveiran setti allt úr skorðum og nota áhrifavaldar á aldrinum 25 og 40 nú miðilinn grimmt til að stytta sér stundir. Í þeim hópi eru til að mynda fyrrverandi fegurðardrottningarnar Tanja Ýr Ástþórsdóttir og Manuela Ósk Harðardóttir, sem og Ernuland, sem berst fyrir bættri líkamsímynd landans.
Samkvæmt erlendum miðlum borgar Tik Tok áhrifavöldum 500 dollara, um 70 þúsund krónur, fyrir að ganga til liðs við miðilinn en óvíst er hvort það á við um íslensku áhrifavaldana.
