Skemmtistaðurinn Dillon er með alvöru partí í beinni útsendingu á netinu klukkan 21. Í kvöld koma fram Einar Ágúst ásamt Gísla Guðmunds, Gunnari Leó og Baldri Kristjáns.

https://www.facebook.com/DillonWhiskeyBar/videos/209673063685693/

Tónleikunum er streymt beint á Facebook-síðu Dillon sem og hér á dv.is. Eru tónleikarnir hluti af tónleikaröð Dillon í skugga samkomubanns en fyrstu tónleikarnir voru haldnir síðasta sunnudag.

Með þessu vill Dillon gefa listamönnum tækifæri til þess að koma sér á framfæri í þessu furðulega ástandi sem er í gangi þessa dagana. Dillon sér um alla tæknilega vinnslu og það er hljóðmaður á svæðinu sem sér um að allt gangi snurðulaust fyrir sig. Í samvinnu við Aur appið verður svo hægt að styrkja þá tónlistarmenn sem spila hverju sinni.

Ef tónlistarmenn hafa áhuga á að taka þátt í þessu verkefni er þeim bent á að hafa samband í gegnum Facebook-síðu Dillon. Einnig er vert að benda á að hægt er að biðja um óskalög í athugasemdum á Facebook-síðu Dillon.