Auglýsingamaðurinn og spéfuglinn Haukur Viðar Alfreðsson vekur athygli á Twitter á vægast sagt kostulegu atviki sem átti sér stað innan Facebook-hópsins Rabb um klassíska tónlist. Um helgina deildi Kristinn Sigmundsson óperusöngvari skilaboðum óperusöngvarans Placido Domingo, en þar sem hann greindi frá því að hann væri smitaður af COVID-vírusnum.
Domingo sagðist smitaður en sem betur fer þá er stórsöngvarinn með væg einkenni. Hann hvatti þó alla að taka veirunni af alvöru Þetta væri ekki í frásögur færandi nema fyrir þær sakir að íslenski stórsöngvarinn Kristján Jóhannsson skrifar athugasemd við færsluna og ávarpar Domingo á ítölsku:
„Bravo Placido stammi bene e fai buono ragazzo🤣👍🍾🥂🥂😮
Abbraccio
Kris“
Þetta mætti nokkurn veginn þýða sem: „Bravo Placido, farðu vel með þig og vertu góður strákur. Faðmaðu mig, Kris.“
Kristinn Sigmundsson skemmir nokkuð þessa fallegu kveðju með því að benda Kristjáni á leiðinlega staðreynd. „Ég er ekki viss um að hann sjái þessa kveðju frá þér. Hann er ekki í þessari grúppu.“
Kristján er þó hvergi banginn og svarar: „ok ég pæli aldrei í slíku sorry frá hverjum kom þetta??“
Tveggja turna tal. pic.twitter.com/OydSHIJzOU
— Haukur Viðar (@hvalfredsson) March 25, 2020