Rapparinn Vigdís Howser Harðardóttir, sem gengur undir listanafninu Fever Dream, segist vera fegin að hafa djammað svona mikið síðustu árin. Hún segist hafa mætt í ófá villt partý og séð fólk snertast á hinum ýmsu stöðum. Hún er ánægð að hafa skemmt sér svona vel, því nú eru allir fastir inni.
https://www.instagram.com/p/B8rWmKfozGg/
Vigdís flutti fyrir nokkrum árum til Berlínar og hefur skemmt sér vel þar.
„Ég verð að játa, ég er ansi fegin að hafa djammað svona mikið síðustu tvö árin í Berlín. Berghain, Kit Kat, Tresor, heimapartý, kynlífspartý. Ég meina, svo mikið dansað og mikið um snertingar og líkamsvessar út um allt. Ég hef séð svo mikið af hinsegin fólki snerta hvert annað á stöðum sem þú vissir ekki að væru til,“ segir Vigdís.
„Lúðavinir mínir heima eru að spara sig fyrir, ég veit ekki, lærdóm og eitthvað heimskulegt shit, fara aðeins einu sinni í viku á pöbbinn. Þau segja við mig að ég sé stjórnlaus,“ segir hún og bætir við.
„Þið hafið verið að missa af og nú eruð þið öll föst inni í guð veit hve lengi. Ég var kannski stjórnlaus en ég skemmti mér allavega á meðan ég gat.“
Vigdís segir þetta í færslu á Instagram. Myndin sem hún birtir með færslunni er frá því að hún tók upp nýtt tónlistarmyndband.
https://www.instagram.com/p/B-Apk42orhg/
Sjá einnig: Vigdís skyggndist bak við tjöldin á strippklúbbi
Maðurinn sem er með henni á myndinni, þessi með grímuna, er nýi kærasti hennar.
„Þetta er nýi kærasti minn og hann er tvítugur. Þannig þegar ég verð þrítug þá verður hann 25 ára og í fokking góðu formi. Njótið kærastans ykkar í sóttkvínni, ég hef örugglega rassskellt hann,“ segir hún.
Í samtali við DV segir Vigdís að vinum hennar í Berlín hafi þótt færsla hennar mjög fyndin en hins vegar hafi íslensku vinir hennar ekkert sagt.
Vigdís er stödd um þessar mundir á Íslandi og verður hér næstu vikurnar. Hún segir ástandið mjög alvarlegt í Berlín.
„Það er allt lokað nema súpermarkaðir og heimsendingarþjónusta. Það mega bara tveir í einu koma saman. Og það sem er líka alvarlegra er að það er búið að mynda deild innan lögreglunnar sem mun handtaka eða sekta fólk sem er úti að ganga. Það þurfa allir að ganga um með skilríki á sér og einnig með „anmeldung“ sem er skráning þeirra inn í landið. Rosa mikill „gestapo“ fílingur í þessu öllu saman,“ segir hún.
