Einar Karl Hallvarðsson, ríkislögmaður, selur hæð sína í húsi við Ægisíðu 56 í Reykjavík. Um er að ræða rúmgóða og bjarta sex til sjö herbergja hæð auk bílskúrs og herbergis í kjallara. Íbúðin er verðsett á 115,5 milljónir.
Einar Karl er einnig að selja þriggja herbergja kjallaraíbúð í sama húsi.
Hæðin er rúmlega 210 fermetrar og er bílskúrinn 30,8 fermetrar. Anddyrið er rúmgott og bjart með innbyggðu fatahengi. Eldhúsið er með nýlegri innréttingu og innbyggðri uppþvottavél. Gert er ráð fyrir tvöföldum ísskáp og eru borðplöturnar úr granít.
Hjónaherbergið er með góðu skápaplássi og er parket á gólfi allra svefnherbergja. Útgengt er út á svalir úr hjónaherberginu og er útsýnið stórbrotið.
Þú getur lesið nánar um hæðina á fasteignavef Mbl.
Sjáðu myndirnar hér að neðan.