Ný íslensk Instagram-síða sem gagnrýnir hegðun karlmanna á Tinder hefur litið dagsins ljós. Síðan Tinderlandið birtir skjáskot af samskiptum kynjanna og gagnrýnir hegðun, án þess að afhjúpa einstaklinganna.
„Við hrósum líka þegar það á við,“ segir í lýsingu síðunnar.
Tinderlandið birti „klassíska sögu úr Tinderlandinu“ sem er svo hljóðandi:
„Samþykki og óeðlilegur þrýstingur. Kona svæpar á mann og maður svæpar á konu. Kona segir hæ, nývöknuð á mánudagsmorgni. Maður svarar strax. Samtal hefst. Kona og maður eru búin að tala saman í 10 mínútur þegar maðurinn spyr hvort konan sé uppi í rúmi. Kona svarar að hún hafi verið að koma úr sturtu. Maður spyr hvort konan sé nakin.
Hefst þá klæminn hluti samtals. Konan er vel til í smá klæmið samtal að morgni dags, bara gaman að því. Maðurinn vill meira. Maðurinn vill myndir. Konan segir nei. Konan býður skrifaða fantasíu, en engar myndir, maður segir já.
Konan skrifar fantasíuna, maðurinn æsist upp. Því æstari sem maðurinn verður, þeim mun ákafari verður beiðnin um myndir.
Myndirnar með færslunni sýna raunveruleikann sem konur búa við. Allt samtalið er reynt að breyta samþykkinu sem fengið var í upphafi. Suðað og suðað.“
Síðan birtir Tinderlandið nokkur skjáskot af samskiptum þeirra sem má sjá hér að neðan. Maðurinn segir meðal annars: „Ég ætla að láta þig sjá þegar ég fæ fullnægingu“ og „mig langar svo að sjá á þér brjóstin svo ég get klárað mig.“
Ýttu á örina til hægri til að sjá fleiri myndir.
https://www.instagram.com/p/B71Uyh6n8tB/
Tinderlandið birtir aðra sögu úr Tinderlandinu.
„Manni og konu líkar hvort við annað. Bæði svæpa hægri. Samtal hefst. Samtal gengur ágætlega, er mest um kynlíf og kynlífsathafnir. Kona er sátt. Samtal færist yfir á Messenger, heldur áfram þar. Meira rætt um kynlíf og kynlífsathafnir. Rætt að hittast þegar hann kemur í bæinn. Samskipti fjara út. Manni hættir að líka við konu, blokkar hana.
Næstu helgi er maður graður og þá þarf að pota í gat. Dúkkar aftur upp á Messenger hjá konu og vindur sér beint til verks. Myndirnar lýsa raunveruleika margra kvenna. Enn eru mörk samþykkis ekki virt.“
Svo má sjá skjáskot af samskiptum þeirra hér að neðan. Maðurinn biður konuna um að „ríða snöggt“ en hún segir að það gangi ekki upp. Maðurinn heldur áfram og biður um „5 mínútur.“
„Com on. Er bara að biðja um nokkrar mínútur. Þú hlýtur að leyfa það,“ segir hann. Konan segir þá nei.
„Er í Mjódd, renni bara við,“ segir hann þá og konan segir aftur nei.
Ýttu á örina til hægri til að sjá fleiri myndir.
https://www.instagram.com/p/B8B2mOeJsuc/
Hvað segja lesendur um þessa hegðun?