Ég bý í Brussel þar sem marokkóskir staðir eru á öðru hverju götuhorni og var þar að auki í Marokkó nýlega. Þessa stundina er marokkóskur matur í mestu uppáhaldi og þá sérstaklega gómsætu réttirnir „tajine“. Ætli ég segi ekki bara lambalæri tajine með sveskjum og möndlum.
-Árni Snævarr
Ég borðaði kolkrabba í óvæntu og skyndilegu vetrarfríi hér í Lissabon í gær. Held að hann sé í uppáhaldi akkúrat núna – Guðmundur Gunnarsson
Þetta er rosalega erfið spurning. Það er svo margt. Hangikjötið vinnur í þetta skiptið þótt það sé í raun jafnt á ansi löngum lista – Björn Leví Gunnarsson
Það er rjúpusúpa. Forréttur borðaður einu sinni á ári alla tíð. – Þóra Tómasdóttir
Grjónagrautur með rúsínum. – Stefán Eiríksson
Það fyrsta sem kemur upp í hugann er villisvepparisotto sem ég geri sjálfur. Svo dýrka ég miðausturlenska matargerð. – Sævar Helgi Bragason