Tónlistarmaðurinn Daði Freyr Pétursson var gestur Egils Ploders í Burning Questions á dögunum. Árný Fjóla, kona Daða, og dóttir þeirra voru staddar í stúdíóinu með þeim.
Daði svarar nokkrum skemmtilegum spurningum í þættinum og segir meðal annars hvað sé það skrýtnasta sem hann hefur gert fyrir pening.
„Ég fór og spilaði í veiðikofa fyrir auðuga karla sem voru í svona fyllirísveiðiferð,“ segir Daði og bætir við að það sé frekar stutt síðan að þetta hafi verið.
„Þetta var skrýtið partý, alveg fyndið partý en þetta er sennilega það skrýtnasta sem ég hef gert fyrir pening.“
Síðan afhjúpar Daði hvaða hlutur er ekki til á heimili þeirra hjóna. Þau eru ekki með spegil í íbúðinni sinni.
„Við erum ekki búin að fá okkur spegil í nýju íbúðina okkar,“ segir hann en bætir við að það sé alveg á planinu að kaupa spegil.
„Það er ekki eitthvað sem liggur á sko […] Það er mjög fínt. Það er samt reyndar alveg fyndið að þegar maður sér sig síðan í spegli þá er maður alveg já ókei er ég svona, ég þarf kannski að raka mig og greiða mér,“ segir hann og hlær.
Þú getur horft á þáttinn hér að neðan.
https://www.instagram.com/p/B8wHlIdgTbv/