Íþróttafréttakonan Edda Sif Pálsdóttir eignaðist dreng á mánudag en þetta er fyrsta barn hennar og hennar heittelskaða, Vilhjálms Sigurgeirssonar, framleiðanda. Vilhjálmur tilkynnir þetta á Facebook.
„Eftir langa helgi á fæðingardeildinni kom strákurinn okkar í heiminn með keisaraskurði á mánudagsmorgun. Orð fá ekki lýst hvað ég elska Eddu Sif mikið eftir þetta. Þvílík hetja að koma frumburðinum okkar í heiminn. Tilfinningin er ótrúleg,“ skrifar hann.
Afi barnsins, alþingismaðurinn Páll Magnússon deilir einnig myndum af litla peyjanum.
„Þessi litli kútur ákvað að líta dagsins ljós á mánudaginn – þegar afi hans var á þvælingi á norðausturhorni landsins. Það urðu miklir fagnaðarfundir – a.m.k. af minni hálfu – þegar ég fékk loksins að knúsa hann og kyssa. Móður og peyja heilsast vel!“
Fókus óskar Eddu og Vilhjálmi innilega til hamingju.
