Eins og flestir hafa tekið eftir hlaut tónskáldið Hildur Guðnadóttir Óskarsverðlaunin eftirsóttu síðustu helgi, fyrst allra Íslendinga. Hlaut hún verðlaunin fyrir tónlistina í kvikmyndinni Jókerinn.

Almannatengsla fyrirtækið White Bear birtir áður óséðar myndir baksviðs á Óskarsverðlaununum þar sem sést vel að skærustu stjörnur heims eru dolfallnar yfir Hildi og list hennar.

Á myndunum sést hún meðal annars á leið í knús með sjálfum Elton John og skeggræða við leikkonuna Renée Zellweger.

Óvíst er hvaða verkefni Hildur tekur sér næst fyrir hendur en ljóst er að hún er afar eftirsótt eftir að hafa hlotið Óskarsverðlaunin, sem og ýmiss önnur stór verðlaun undanfarið.