Í gærnótt hlaut Hildur Guðnadóttir Óskarsverðlaunin, fyrst Íslendinga, fyrir tónlistina í kvikmyndinni Joker. RÚV birti í kvöld viðtal við Hildi þar sem hún lýsti því hvernig það var að vinna verðlaunin.
„Þegar nafnið mitt var kallað upp fékk ég smá sjokk. Svo þegar ég kom upp á svið og allur salurinn stóð upp, það var ótrúlegt. Það var ótrúlega mikil ást og stuðningur sem kom frá þessum stað það var svo hjartnæmt að það leið eiginlega yfir mig, það var ótrúlegt,“
Hildur ræddi einnig um framtíðina, en hún segist ekki ætla að gera mikið á næstunni, þó hún tali um að verðlaunin gefi henni traust og frelsi til að gera meiri tónlist.
„Öll svona verðlaun og viðurkenningar staðfesta að maður sé traustsins verður í svona stórum verkefnum og það tekur smá tíma að vinna sér inn traust í þessum bransa.“