Það styttist óðum í jólin og eru margir farnir að skreyta. Sumir myndu segja að það sé of snemmt, en miðað við hvernig árið 2020 hefur verið þá er allt leyfilegt. Nýttu tækifærið og skreyttu eins og stjörnurnar. Sjáðu fallegar og klikkaðar skreytingar stjarnanna.
Til hvers að vera með hátt til lofts ef þú ætlar ekki að vera með stórt jólatré? Britney Spears kann að nýta plássið og leyfa trénu að njóta sín.
Steve Harvey er sannkallaður jólasveinn. Hann og eiginkona hans, Margaret Harvey, leggja allt í sölurnar þegar kemur að því að skreyta. Þau eru óhrædd við að prófa nýja hluti og voru eitt árið með blátt jólatré.
Leikkonan veit hvað hún syngur þegar kemur að því að skreyta svo heimilið verði fallegt og kósí í senn, sem er lykilatriði að margra mati.
Sjónvarpsstjarnan, höfundurinn og hönnuðurinn Tan France setur upp jólatréð 1. nóvember og hefur gert það undanfarin tíu ár.
Kim Kardashian var með heldur óhefðbundið skraut í fyrra sem margir áttu erfitt með að átta sig á.
Kylie Jenner setur ekki bara upp eitt tré, í fyrra var hún með fjögur. Árið 2017 var hún með bleikt tré.
Þegar kemur að því að skreyta fyrir hátíðarnar gefur Kris Jenner ekkert eftir og ekki heldur börnin hennar.