Sumar áheyrnarprufur eru eftirminnilegri en aðrar. Eins og áheyrnarprufa Zoe Alexander í X Factor, eða áheyrnarprufa Trevi Moran. Það leið yfir Trevi stuttu áður en hún fór á svið og var sýnt frá því í þættinum.
Undanfarið hafa fyrrum keppendur X Factor opnað sig um upplifun sína í þættinum á TikTok. Trevi ákvað að deila sinni reynslu og ástæðunni fyrir því að hún hafi fallið í yfirlið. Hún tók þátt í X Factor árið 2012.
Sjá einnig: Sannleikurinn á bak við áheyrnarprufu og taugaáfall tvífara Pink í X Factor
„Ég hef verið að horfa á mikið af myndböndum um X Factor á TikTok og ég verð að segja mína sögu. Og já ég er kona núna,“ segir Trevi og hlær. Trevi kom út sem transkona fyrir hálfu ári síðan. Hún kom út í myndbandi á YouTube, en þar nýtur hún mikilla vinsælda og er með yfir 1,4 milljón áskrifendur. Hún hefur einnig gefið út nokkrar smáskífur.
„Löng saga stutt. Ég vildi syngja lag eftir Katy Perry en [framleiðendur þáttanna] vildu að ég myndi syngja „Sexy And I Know It“ eftir LMFAO,“ segir Trevi.
@trevimoranI’ve been seeing these Tik tok story times about their experience auditioning for X Factor.. here’s mine ##fyp♬ original sound – Trevi Moran
Trevi segir að fyrr um daginn hafi hún fengið „orkugefandi Jellybeans“.
„En þær voru ekki að virka þannig ég bað mömmu um „5 tíma orku,““ segir hún. En það er svokallað orkuskot sem á að gefa neytandanum orku, í fimm tíma.
„Ég er greinilega viðkvæm fyrir koffín og það fokking leið yfir mig, í sjónvarpi á landsvísu. En ég fór samt á svið og söng „Sexy And I Know It““
Trevi fékk „já“ frá öllum dómurunum og komst áfram í næstu umferð. En hún komst ekki áfram í undanúrslit.
Horfðu á áheyrnarprufuna hér að neðan.