Karlmaður leitar til Dear Deidre, kynlífs- og sambandsráðgjafa The Sun. Maðurinn er í þvílíkum vandræðum, en hann hefur alla tíð talið sig vera samkynhneigðan en er nú ástfangin af konu.
„Ég er 33 ára og er ringlaður þegar kemur að kynhneigð minni,“ segir maðurinn.
„Ég hef nokkrum sinnum verið í sambandi með karlmanni, en fyrir mitt leyti hafa þau aldrei snúist um kynlíf. Síðastliðin tíu ár hef ég átt góða vinkonu, hún er 42 ára núna. Við kynntumst í gegnum vinnuna og höfum verið meðleigjendur í fimm ár.“
En sambandið þeirra hefur tekið miklum breytingum undanfarið ár. „Sambandið okkar er núna kynferðislegt. Ég elska hana og hún segist elska mig. Það er erfitt fyrir okkur bæði að sætta okkur við hommafortíð mína, en það er klárlega eitthvað sérstakt á milli okkar. Heldurðu að þetta geti gengið upp?“
Deidre svarar manninum og hughreystir hann.
„Það er engin ástæða fyrir því að þið getið ekki haldið áfram að gera hvort annað hamingjusamt, á meðan þið eruð hreinskilin við hvort annað. Gleymdu því að skilgreina þig sem eitthvað ákveðið og hlustaðu á hjartað.“