Myndir söngkonunnar Þórunnar Antoníu Magnúsdóttur vöktu talsverða athygli í gær. Eftir að hafa heyrt að vinkonur vinkvenna hennar voru „sjokkeraðar“ yfir mynd af henni í rauðri blúndusamfellu birti hún fleiri myndir úr sömu myndatöku.
Sjá einnig: Þórunn Antonía frétti að mynd af henni hefði „sjokkerað“ vinkonur vinkvenna sinna – Þá deildi hún þessu
Myndirnar og skilaboðin með myndunum slógu heldur betur í gegn hjá netverjum. Það er óhætt að segja að færslan hafi vakið athygli, DV fjallaði um hana í gær ásamt fleiri íslenskum miðlum.
Þórunn lætur athyglina ekki á sig fá og birtir fleiri kynþokkafullar myndir.
„Hér eru fleiri sexy myndir af mér fáklæddri. Reyndar ekkert jólatré en yoga bolti og hláturgas,“ segir Þórunn Antonía og birtir tvær myndir frá fæðingu sonar síns.
View this post on Instagram
„Fyrrverandi kærasti, sem ég bauð að vera viðstaddan fæðinguna til að mynda samstundis tengingu við son sinn, tók þessar myndir. Þetta eru alvöru sexy myndir. Styrkur. Hugrekki. Þor. Þrautseigja. Mildi. Húmor. Gleði. Hjarta sár og kona að koma barni í heiminn eftir áhættu meðgöngu,“ segir hún.
„Þarna er ég á öðrum degi fæðingar ferlisins sem hófst á því að ég fékk einkabíl með blikkandi ljósum beint upp á fæðingardeild. Ferðalagið var fallegt. Lærdómsríkt og endaði í bráðakeisara. Konur eru lífið. Við erum sjórinn, bryggjan og brúin til landsins. Áfram konur í öllum stærðum og gerðum.“
Þórunn birti færsluna fyrir tæpum sólarhring og hafa um 1400 manns líkað við hana.
„Fallegt að lesa þetta, dýrmætt,“ segir einn netverji.
„Alvöru mynd,“ segir annar.
„TAKK FYRIR ÞETTA INNLEGG!! KV konan sem var að unga út barni,“ segir ein kona.
