Alex Reid, leikari og fyrrum bardagakappi, greindi í dag frá mikilli sorg sem hann gengur nú í gegnum. Ástæðan fyrir sorginni er að unnusta hans, Nicola Manashe, missti nýlega fóstur.

Nicola var ólétt af tvíburum en nú er aðeins annar tvíburanna á lífi. „Við misstum einn af tvíburunum,“ segir Alex og bætir við tjákni af hjarta sem er brotið.

„Sorglegar fréttir. Nicola átti skelfilegan dag í dag. Við hringdum á neyðarlínuna eftir að það byrjaði að blæða en guði sé lof fyrir kærleiksríka lækninn, Dr. Venkat, sem róaði einangraðu og áhyggjufullu konuna klukkan 5 í nótt.“

Alex greindi frá fósturmissinum á Instagram-síðu sinni en hann deildi sónarmynd með færslunni. Þau fóru í sónarmyndatöku eftir fósturmissinn til að athuga hvort hinn tvíburinn væri ekki örugglega í góðu lagi.

„Læknirinn staðfesti að barnið væri í góðu lagi og mamman og barnið eru komin heim að hvíla sig,“ segir Alex og birtir settan dag barnsins. „16. júlí. Við munum aldrei gleyma hinu barninu sem mun nú verða verndarengill fyrir tvíburann sinn.“

Nicola og Alex hafa átt erfitt með að eignast barn en fengu loksins góðar fréttir þegar Nicola varð ólétt eftir að hafa farið í tæknifrjóvgunaraðgerð. Fósturmissirinn er ekki sá fyrsti sem parið lendir í en þau hafa gengið í gegnum það samtals fimm sinnum á undanförnum tveimur árum.