Brasilíska fyrirsætan og áhrifavaldurinn Letícia Martins, þekkt sem Lunna Leblanc, greindi frá því á Instagram að hún sólbaði kynfærin sín í allt að tvo tíma á dag. Hún gerir það til að „auka kynhvötina.“ News.au greinir frá.
Hún segir athæfið einnig gefa henni meiri orku og hún sofi betur.
Lunna deildi mynd af sér í sólbaði á Instagram. „Ekkert betra en morgunsólin,“ sagði hún og sagðist einnig „elska þessa upplifun.“
View this post on Instagram
En þessi iðkun er langt frá því að vera hættulaus samkvæmt sérfræðingum. Dr Deb Cohen Jones, læknir með yfir 20 ára reynslu og sérfræðingur í ummönun húðarinnar, segir að fullyrðingar Lunnu séu ekki aðeins rangar heldur hættulegar.
Hún segir að það sé ekki góð hugmynd að sólbaða píkuna, því það séu miklar líkur á að hún brenni þar sem húðin er mun viðkvæmari þar.
„Lunna minnist ekkert á sólarvörn og þú ættir aldrei að vera í sólinni í tvo tíma án þess að bera á þig vörn. Ég veit ekki betur en svo að það sé ekki til nein sólarvörn sem er örugg fyrir píkur, en þetta eru líka alveg fáránlegar fullyrðingar hjá henni,“ segir Dr Deb Cohen Jones.
News.au ræddi einnig við Dr Michele Squire sem hafði einnig áhyggjur af fullyrðingum Lunnu.
„Sólskin hefur jákvæð áhrif á skap okkar og hefur sterka tengingu við kynhvöt. En sú hugmynd að sólbaða kynfærin þín í nokkra tíma á hverjum degi til að auka kynhvöt, það er hreinlega hættulegt,“ segir hún.
Lunna er ekki sú eina sem virðist stunda þetta. Fyrir ári síðan var þetta mjög vinsælt á vesturströnd Bandaríkjanna í kjölfar þess að „gúrúarnir“ Troy Casey og Ra Teasdale fóru að bera út boðskap þess.
