Það er ekki óvenjulegt að stjörnurnar á samfélagsmiðlum deili myndum af sér í sundfötum en nýjasta sundfatatískan hefur þó vakið mikla athygli.
„Þrátt fyrir að þetta sé yfirleitt parað við stórar kápur og gallabuxur í köldu veðri þá eru þessar stjörnur að klæða sig úr fötunum og para saman stígvél með sundklæðunum,“ segir í umfjöllun The Sun um tískubylgjuna.
Á meðal þeirra sem hafa birt myndir af sér í sundfötum og stígvélum eru samfélagsmiðlastjörnurnar Kim Kardashian og Kendall Jenner og rapparinn Megan Thee Stallion.
Þá hafa fleiri stjörnur einnig birt myndir af sér í stígvélum og sundfötum. Þar má nefna áströlsku leik- og söngkonuna Kylie Minogue, Love Island stjörnuna Georgia Harrison og fyrirsætuna Rhian Sugden.