Ellie var sautján ára þegar hún byrjaði að vinna sem vændiskona. Vinkona hennar sagði henni frá síðu sem karlmenn nota til að finna vændiskonur. „Við skráðum okkur á síðuna og bókstaflega fimm mínútum eftir að ég birti myndir af mér á síðunni fékk ég hvert símtalið á fætur öðru. Ég bókaði hótelherbergi næsta dag og hitti hvern kúnnann á fætur öðrum,“ segir Ellie.
Ellie býr hjá móður sinni en þénar allt að 270 þúsund krónur á einum degi. Hún tekur rúmlega tólf þúsund krónur fyrir fyrstu fimmtán mínúturnar og vinnur gjarnan tólf tíma vaktir. Ellie segir að það sé brjálað að gera hjá sér og stundum hefur hún aðeins tvær til fimm mínútur á milli kúnna.
„Fyrsti viðskiptavinurinn fær mig sem ferskasta. Hárið mitt og förðunin fullkomin, en um leið og fyrsti viðskiptavinurinn fer þá þarf ég að viðhalda útlitinu. Ég þarf að fara í sturtu og stundum skipta um föt,“ segir hún.
„Stundum hef ég bókstaflega bara fimm mínútur á milli kúnna, stundum tvær til fimm mínútur. Stundum hef ég hálftíma. Það fer allt eftir hvernig ég hef bókað mig,“ segir hún.
Ellie er einnig með OnlyFans síðu og þénar þar allt að 720 þúsund krónur á mánuði.