Ung kona hefur sætt harðri gagnrýni eftir að hún leitaði ráða í Facebook-hópnum Beauty Tips. Hún virðist ekki hafa verið með lokanir á hreinu og spurði hvort að einhver væri að „taka inn fyrir augnháralengingu“.
Fjöldi kvenna hafa svarað konunni. Ein segir athæfið vera „ólöglegt“ sem stendur. Önnur segir: „Er ekki hægt að róa sig aðeins… það er heimsfaraldur. Er ekki möguleiki að bíða aðeins með einhverjar helvítis augnháralengingar?“
Það hafa um 240 manns líkað við ummælin um helvítis augnháralengingar og bendir ein konunni sem ritar þau ummæli á að það sé „hægt að vera kurteis.“ Unga konan hafi greinilega ekki vitað betur og og nokkuð ljóst að hún hefði ekki spurt út í tíma í augnháralengingu hafi hún vitað að slíkt væri ólöglegt og allar snyrtistofur landsins lokaðar.
„Líka hægt að vera skynsamur,“ skrifar reiður netverji þá og bætir við að ef hún hefði sleppt orðinu helvítis þá hefðu ummæli hennar verið kurteis.
Sú sem spurði upphaflegu spurningarinnar blandar sér þá inn í umræðurnar og segir að hún hafi aðeins ætlað sér að spyrja, en ekki „særa neinn með þessari færslu.“ Hún þakkar einnig fyrir fræðsluna og kveðst ekki hafa verið búin að kynna sér allar reglur varðandi lokanir og hafi þess vegna ákveðið að spyrja.
Ein kona mælir með að hún eyði færslunni en þá segir hún. „Gott að hafa hana inni ef fólk heldur það sama og ég […] svo þau þurfi ekki að spyrja og láta hrauna yfir sig.“ Nokkrar konur í grúppunni koma konunni til varnar og benda á að kurteisi kostar ekkert og þó sumir telja það sjálfsagt að hafa allt á hreinu varðandi takmarkanir, þá sé það ekki raunin.
Mikið hefur verið rætt um að sóttvarnarreglur séu óskýrar og erfitt sé að átta sig á hvað megi og hvað megi ekki. Sem dæmi má nefna að smink á sjónvarpsstöðvum er til dæmis leyfilegt og hafa þekktir einstaklingar mætt í smink og hárgreiðslu á sjónvarpsstöðvar á meðan allar snyrtistofu og hárgreiðslustofur eru lokaðar.
Þríeykið hefur einnig haft orð á því á upplýsingafundum sínum að kurteisi og virðing fyrir náunganum sé mikilvæg og virki á báða bóga. Margir eigi um sárt að binda og andlegt ástand fólks sé misgott. Það er því ágætt að hafa í huga að kærleikurinn er besti leikurinn.
