Myndbandið er tekið upp í sængurgjafaveislu (e. baby shower) hjónanna. Maðurinn viðrar þungar ásakanir gegn eiginkonu sinni fyrir framan gesti, en meðal gesta var sá maður sem eigimaðurinn hélt því fram að væri raunverulegur faðir barnsins. The Sun greinir frá.
Myndbandinu var deilt á Reddit og er á spænsku, en nokkrir netverjar hafa þýtt það yfir á ensku.
„Þetta er lögfræðingurinn minn og við erum með skjal. Þið vitið það öll að ég á von á dreng. Sjáið, hér er óléttuprófið, þið vitið að ég er að verða pabbi. En vitið þið hvað, það gleymdist eitt mjög mikilvægt smáatriði. Hér er sannað að hún[eiginkonan] er ekki komin fjóra mánuði á leið, heldur sex mánuði,“ segir eiginmaðurinn.
Eiginkona hans reynir að fá hann til að ræða málin annars staðar en hann neitar og heldur áfram. Faðir eiginkonunnar er í miklu uppnámi og spyr dóttur sína um hvað eiginmaður hennar sé eiginlega að tala um. Hún segir að þetta sé misskilningur en þá segir eiginmaðurinn: „Þessi veisla er ekki fyrir mig, heldur þau og meira þarf ég ekki að segja.“
Á meðan á þessu stendur heldur lögfræðingurinn á tölvu og sýnir gestunum myndband sem sýnir eiginkonuna og annan karlmann koma úr sturtu saman. Sá maður er í veislunni.
Það er óhætt að segja að það verða mikil læti og slagsmál brjótast út eftir að eiginmaðurinn yfirgefur veisluna, og ólétt eiginkona hans hleypur á eftir honum.
Husband provides proof that the child is not his during baby shower in front of everyone, including the man she cheated with from r/trashy
Myndbandinu var deilt á Reddit-undirsíðuna r/trashy sem er eð yfir 2,2 milljón meðlimi. Sannleiksgildi myndbandsins hefur ekki verið sannað.