Kristján Einar Sigurbjörnsson, kærasti Svölu Björgvins, hefur látið merkja sig Svölu og dóttur sinni til eilífðar.
Svala og Kristján fengu sér paratattú á dögunum, Svala fékk sér mynd af nisti í laginu eins og hjarta og Kristján fékk sér lykill.
Sjá einnig: Sjáðu myndina – Svala og Kristján fengu sér paratattú
En Kristján ákvað að taka þetta skrefinu lengra og fékk sér nafn á tveimur mikilvægustu dömunum í sínu lífi á úlnliðinn. Nafn Svölu og dóttur hans, Aþenu.
Svala birti myndir og myndband í Story á Instagram. Í myndbandinu spyr hún Kristján hvað hann hafi verið að gera, hann þykist koma ofan af fjöllum og spyr hún hann hvort þetta fari af með sápu.
Hann svarar þá: „Ég fokking elska þig, hvað er vandamálið?“ og Svala skellir upp úr.
Listamaðurinn á bak við flúrið er Ólafur Laufdal.
Svala og Kristján opinberuðu samband sitt í ágúst á þessu ári. Kristján er 22 ára sjómaður og faðir frá Húsavík.
Athafnarkonan Manuela Ósk Harðardóttir og kvikmyndaframleiðandinn Eiður Birgisson fengu sér einnig paratattú á dögunum. Þau eru nú með nafnið á hvort öðru á framhandleggnum.
Sjá einnig: Manuela Ósk og Eiður innsigla ástina með bleki – Sjáðu hvað þau fengu