Sjónvarps- og samfélagsmiðlastjarnan Jessica Alveg segir að lýtalæknir hafi kallað hana skrímsli í beinni útsendingu í ítalska þættinum Non é la D‘Urso.
Jessica Alves vakti fyrst heimsathygli fyrir að hafa eytt rúmlega hundrað milljón krónum í fegrunaraðgerðir. Hún var þekkt sem „mannlega Ken-dúkkan“, áður en hún kom út sem transkona í byrjun árs 2020. Nú er hún þekkt sem Jessica Alves og hefur komið fram í fjölda sjónvarpsþátta og er vinsæl á samfélagsmiðlum.
Jessica segir farir sínar ekki sléttar af þættinum í viðtali við Daily Mail. Hún segir að lýtalæknir hafi sagt mjög ljóta hluti við hana og þrátt fyrir að vera miður sín sé hún ákveðin að „leyfa engum að niðurlægja mig.“
Innkoma Jessicu í þættinum var glæsileg. Hún klæddist rauðum síðkjól og dillaði sér við lag Shaniu Twain, „Man! I Feel Like A Woman.“
View this post on Instagram
„Á sunnudaginn var ég gestur í [þættinum] og skyndilega, í beinni útsendingu, kallaði lýtalæknir mig skrímsli.“
Jessica svaraði fyrir sig og sagði: „Hvernig dirfistu að kalla mig skrímsli?!“
Hún sagði einnig að það væri ófagmannlegt fyrir lýtalækni að láta svona við einhvern. Horfðu á samskipti þeirra hér að neðan.
TU SEI UN MOSTRO ✈️👀 #noneladurso #jessicaalves @carmelitadurso pic.twitter.com/mIfXaMMfpK
— MondoTrash (@Mondo__Trash) November 23, 2020
Eins og fyrr segir hefur Jessica eytt yfir 100 milljón krónum í fegrunaraðgerðir. Hún viðurkennir að útlit sitt sé kannski ekki allra, en hún á samt virðingu skilið.
„Ég ætla að lögsækja lýtalækninn sem brennimerkti mig sem skrímsli. Ég mun aldrei leyfa neinum að niðurlægja mig og engin önnur transkona ætti að verða fyrir fordómum. Við þurfum að standa með okkur sjálfum, vera sterkar og óttalausar, sem ég er.“
Jessica ræddi einnig um mikilvægi þess að transfólk sé meira áberandi í sjónvarpi. „Það þurfa að vera fleiri transmenn og transkonur í sjónvarpi, myndum og í fjölmiðlum til að fræða almenning um hvað við erum. Við erum bara að reyna að vera hamingjusöm eins og allir aðrir, en tækifæri okkar í fjölmiðlum eru mjög takmörkuð.“