Scott Disick lætur sér ekki leiðast þegar hann er einhleypur. Nýjasta kærasta hans, Amelia Hamlin, er nítján ára og á mjög fræga foreldra.
Hann og Sofia Richie hættu saman í maí eftir þriggja ára samband. Scott, 37 ára, er fyrrverandi eiginmaður raunveruleikastjörnunnar Kourtney Kardashian og eiga þau saman þrjú börn. Sofia Richie, 22 ára, er fyrirsæta og dóttir söngvarans Lionel Richie.
Áður en Scott byrjaði með Sofiu var hann heldur betur upptekinn. Á fimm dögum sást hann eiga notalegar og „rómantískar“ stundir með að minnsta kosti sex konum.
Sjá einnig: Scott Disick hefur verið upptekinn síðustu fimm daga – Er Sofia Richie nýja stúlkan í augnablikinu?
Nýjasta kærasta Scott Disick er hin nítján ára Amelia Hamlin, dóttir Lisu Rinnu og Harry Hamlin. Þau hafa sést saman við nokkur tilefni, meðal annars á ströndinni í Santa Barbara og í hrekkjavökuveislu Kendall Jenner. TMZ greinir frá.
Lisa Rinna er bandarísk leikkona, höfundur og raunveruleikastjarna. Harry hamlin er bandarískur leikari, höfundur og frumkvöðull.
Það er töluverður aldursmunur á parinu, Amelia er nítján ára og Scott er 37 ára. Samkvæmt E! News telja foreldrar Ameliu að um „tímabil“ sé að ræða. Amelia hætti nýlega með kærasta sínum, Mercer Wiederhorn.