Húsnæði í Bankastræti 5, þar sem að áður var skemmtistaðurinn vinsæli B5, er nú til leigu. Þetta kemur fram á vef Atvinnueign.is.
Um er að ræða 450 fermetra rými á jarðhæð, sem er að sjálfsögðu í hjarta miðbæjarins.
Það kemur eflaust fáum á óvart að rýmið sé innréttað eins og skemmtistaður, líkt og sjá má á myndum. Margir spyrja sig eflaust hvort að einhver muni taka sig til og endurvekja skemmtistaðinn vinsæla, eða jafnvel búa til nýjan.