Ung kona gerði skelfilega uppgötvun þegar hún var í mátunarklefa fataverslunar. Hún tók eftir því að karlmaður í næsta klefa var að taka hana upp í laumi. Hún greinir frá þessu á TikTok og sýnir hvernig maðurinn fór að þessu. Hann stillti símanum sínum upp við skóna sína svo að myndavélin vísaði inn í klefa konunnar.
Sjáðu myndbandið hér að neðan.
@maceyl7be safe out there😣♬ Capone – Oh No – 由user043998上传
Myndbandið hefur vakið gríðarlega athygli. Það hefur fengið yfir 16,2 milljón áhorf og því miður hefur Macey neyðst til að loka fyrir ummæli við myndbandið. Hún útskýrir ástæðuna og segir að það hafi ekkert með sanngildi myndbandsins að gera.
„Myndbandið er raunverulegt, ég lokaði fyrir komment því fólk var að vera mjög andstyggilegt og andlega heilsa mín ræður ekki við það,“ segir hún.
„Mér þykir leitt að fólk sé að vera andstyggilegt við þig, takk fyrir að deila myndbandinu og leiðinlegt að þú hafir þurft að upplifa þetta,“ segir einn netverji.
„Takk, kann virkilega að meta þetta. Það var skelfilegt að upplifa þetta og ég óska engum að lenda í þessu.“
Macey segir að hún hafi látið starfsmann verslunarinnar vita sem hafi „séð um málið.“
