Leikarinn Rupert Grint var að eignast sitt fyrsta barn með kærustu sinni og leikkonunni Georgia Groome.
Rupert Grint er hvað þekktastur fyrir hlutverk sitt sem Ron Weasley í Harry Potter myndunum. Margir þekkja Georgiu úr kvikmyndinni Angus, Thongs and Perfect Snogging.
Parið hefur verið saman síðan 2011. Samkvæmt People kom dóttir þeirra í heiminn 7. maí.
Rupert hefur hingað til ekki verið á Instagram, en bjó til síðu til að sýna heiminum dóttur sína.
Stúlkan fékk nafnið Wednesday G. Grint.
„Hæ Instagram, aðeins tíu árum of seinn, en hér er ég,“ sagði leikarinn á Instagram.
„Ég er hér til að kynna ykkur fyrir Wednesday G. Grint.“
Það leið ekki á löngu þar til mótleikarar hans úr Harry Potter óskuðu honum til hamingju.
Tom Felton, sem lék Draco Malfoy, skrifaði: „Velkominn Weasley, kominn tími til. Ástarkveðjur til Wednesday.“
James Phelps, sem lék Fred Weasley, hafði það stutt og laggott: „Núggat.“