Stephanie Winston Wolkoff lak upptökunni. Hún var vinkona Melaniu Trump í áratug og vann við hlið Melaniu í Hvíta Húsinu í tvö ár þar til hún hætti árið 2018. Stephanie gaf út bókina „Melania and Me: The Rise and Fall of my Friendship with the First Lady“ þann 1. september síðastliðinn. Síðan þá hefur hún lekið nokkrum leynilegum upptökum af samtölum þeirra.
Í nýjustu upptökunni má heyra þær ræða um meint framhjáhald Donald Trump með Stormy Daniels. Melania nefnir myndatöku sem Stormy fór í hjá heimsfræga ljósmyndaranum Annie Leibovitz og segir „klámhóra“ þegar hún vísar í Stormy.
Stephanie birti upptökuna í hlaðvarpsþættinum Mea Culpa, sem er þáttur Michael Cohen, fyrrverandi lögmanns Donald Trump. Michael Cohen var einnig sá sem borgaði Stormy Daniels 18 milljón krónur skömmu fyrir forsetakosningarnar 2016.
Stormy Daniels svarar Melaniu á Twitter og lætur hana heyra það.
„Hahaha! En ég fékk ekki greitt fyrir kynlíf og er þar af leiðandi tæknilega séð ekki „hóra“. En ég vil frekar vera það heldur en að vera það sem þú ert,“ sagði Stormy.
„Þú settir píkuna þína og sálina á sölu. Haltu áfram að tala um mig. Að öðru, þá er ég hrifin af nýju brjóstunum þínum. Birtu (fleiri) nektarmyndir?“
Hahaha! Although I wasn’t paid for sex and therefore technically not a „hooker“ I’ll take being that over what you are any day. You sold your pussy AND your soul…and I’m legal. Keep talking about me. I like your new tits btw. Post (more) nudes? #bebest lol
— Stormy Daniels (@StormyDaniels) October 6, 2020
Stormy Daniels varð fræg eftir að hafa haldið því fram að hafa sofið hjá Donald Trump árið 2006. Þá var Donald Trump giftur Melaniu. Donald Trump hefur alla tíð neitað því. Michael Cohen, þáverandi lögmaður Trump, borgaði Stormy 18 milljón krónur ellefu dögum fyrir forsetakosningarnar árið 2016, gegn því að hún myndi ekki segja frá meintu sambandi þeirra.
Sjá einnig: „Ég ætla að segja frá öllu“ – Stormy Daniels gefur út bók um sambandið við Trump