Chloe Madeley, 33 ára, er dóttir bresku sjónvarpsstjarnanna Richard Madeley og Judy Finnigan. Hún er gift fyrrverandi ruðningsstjörnunni James Haskell.
Chloe talar mjög opinskátt um samband sitt og James, einnig kynlíf þeirra hjóna. Í samstarfi við Fabulous Digital svarar hún spurningum lesenda um allt sem tengist samböndum og kynlífi. Hún notar eigin reynslu til að gefa lesendum ráð og skafar ekkert af hlutunum.
Fyrsta vandamálið sem hún leysir er vandamál konu sem óttast að kærasti hennar sé að halda framhjá.
„Ég hef verið með kærastanum mínum í fimm ár. Kynlífið hefur alla tíð verið frábært. Við sofum saman allavega fjórum sinnum í viku og erum óhrædd við að prófa eitthvað nýtt um allt hús. Við fáum bara ekki nóg af hvort öðru. En nýlega hefur hann verið að prófa nýjar hreyfingar sem við höfum aldrei gert áður. Ég get ekki kvartað þar sem kynlífið er bilað, en ég hef samt áhyggjur af því hvar hann lærði allar þessar hreyfingar. Hann er í vaktavinnu, þannig ég veit ekki hvar hann er öllum stundum. Vinkonur mínar segja að hann sé örugglega að halda framhjá og ég hef miklar áhyggjur,“ segir konan.
Chloe gefur konunni ráð og segir henni að slaka á.
„Heldurðu að kærastinn þinn horfi ekki á klám þó þið séuð saman? Kynlífið okkar James er frábært. Við erum með bílskúr sem ég nota í einn klukkutíma á dag til að æfa. Hann notar þennan klukkutíma í að horfa á klám. Ég veit það vegna þess að ég hef gripið hann glóðvolgan. Það kom í ljós að hann gerir þetta reglulega,“ segir hún.
„Ég myndi slaka á ef ég væri þú. Talaðu við hann ef þú hefur áhyggjur. Þú ert ekki að saka hann um eitthvað ef þú bara spyrð. Ef þú talar ekki við hann þá ferðu að leita að vísbendingum um framhjáhald og verður alveg klikkuð.“