Áhrifavaldurinn og förðunarfræðingurinn Fanney Dóra Veigarsdóttir á tvær kisur. Hún keypti sniðuga græju á netinu til að þrífa kattahár og tók upp myndband af græjunni í notkun. Hún ákvað að bíða með að birta myndbandið en það fór óvænt í birtingu og hefur slegið rækilega í gegn. Við ræddum aðeins við Fanneyju Dóru um myndbandið og viðbrögðin sem það hefur fengið.
https://www.instagram.com/p/CAnOY4SA88N/
Myndbandið hefur fengið tæplega 700 þúsund áhorf þegar greinin er skrifuð. Yfir 84 þúsund manns hafa líkað við það og mörg hundruð manns skrifað við það. Eins og fyrr segir fór myndbandið óvænt í birtingu.
„Ég var að passa litla frænda minn, hann fékk að fara á TikTok hjá mér og ég spáði ekkert í því, en sagði að hann mætti ekki deila neinu. En á TikTok eru „drögin“ við hliðina á mínum myndböndum og honum finnst gaman að skoða það,“ segir Fanney Dóra.
Litli frændi hennar hefur óvart birt eitt af myndböndum hennar sem hún geymdi í drögum, án hennar vitneskju.
„Daginn eftir var ég á TikTok og var með 99+ tilkynningar, ég skildi ekkert í því, þar sem ég var ekki búin að setja neitt nýtt. Þá var þetta myndband bara búið að fara út um allt, samt ekki með neinum texta eða myllumerkjum eða neitt – sem betur fer var þetta myndband sem mátti birtast,“ segir Fanney Dóra og hlær.
Horfðu á myndbandið hér að neðan.
@fanneydora♬ original sound – Julie Ernst
Fanney Dóra keypti þessa sniðugu græju á pethairgone.com. Þetta er kærasti Fanneyjar Dóru sem er að nota græjuna. Netverjar spurðu hana af hverju kærasti hennar sé svona „aggresífur“ og svarar Fanney Dóra að græjan virkar ekki öðruvísi.