Hrekkjavakan hefur á seinustu árum gert rækilega vart við sig hér á landi. Hátíðin snýst að miklu magni um að börn og fullorðnir klæði sig í búninga, skreyti jafnvel hús og híbýli. Síðan ganga börnin gjarnan hús í hús og biðja um nammi með því að segja „grikk eða gott!“ og svo er nammiátið sjálft auðvitað mikilvægt

Af augljósum ástæðum þarf hátíðin að fara fram með öðru sniði þetta árið. Það er nenfilega ekki í samræmi við helstu sóttvarnarviðmið að heimsækja svo mörg hús á einu og sama kvöldinu, og þiggja „veitingar“ þar að auki. Svo virðist vera að landinn ætli því að sleppa „grikkjunum og gottinu“ í ár, en leggja aftur á móti auka metnað í sjálfar skreytingarnar.

Útsendari DV fór á stúfana í dag. Á hlaupum um Mið- og Vesturbæinn mátti sjá skreytingar á heimsmælikvarða. Að sjálfsögðu voru teknar myndir, en á þeim má sjá köngulóarvefi, útskorin grasker og rófur, drauga, beinagrindur, uppvakninga, rottur, líkamsparta, legsteina, risastóran kött og margt fleira.

Hér að neðan má sjá myndirnar: