Kim Kardashian-West varð fertug á dögunum. Afmælisfögnuður hennar hefur vakið töluverða athygli. Raunveruleikastjarnan kom vinum sínum og fjölskyldu á óvart með ferð á einkaeyju.
Sjá einnig: Kim Kardashian höfð að háði og spotti – Íslendingar taka þátt í gríninu
View this post on Instagram
Kanye West gaf eiginkonu sinni gjöf sem hún mun aldrei gleyma. Rapparinn og hönnuðurinn kom henni á óvart með heilmynd (e. hologram) af látnum föður hennar, Robert Kardashian.
Kim deildi myndbandi af heilmyndinni á Instagram og lýsti gjöfinni sem „óvæntum glaðning frá himnaríki.“
„Þetta var svo raunverulegt, við horfðum á þettaaftur og aftur. Þetta var mjög tilfinningaþrungin stund. Ég get ekki lýst því hvaða merkingu þetta hefur fyrir mig, systur mínar, bróður minn, móður mína og nánustu vini mína, að fá að upplifa þetta saman,“ segir Kim.
Í myndbandinu má sjá heilmynd Robert Kardashian tala um afrek Kim, eins og að hún sé lögfræðinemi og sé að ala upp fjögur börn. „Haltu áfram að gera það sem þú ert að gera Kimberly. Þú ert falleg sál. Ég er stoltur af þér og er alltaf hjá þér,“ segir heilmyndin.
