Khloé Kardashian greindist með Covid-19 fyrr á árinu. Þetta kemur fram í stiklu fyrir næsta þátt af „Keeping Up With The Kardashians“. Í þættinum lýsa Kris Jenner og Kim Kardashian áhyggjum sínum yfir heilsu Khloé. Það kemur síðan í ljós að hún væri með Covid-19.
Khloé staðfestir sjálf að hún sé með veiruna og lýsir einkennunum.
„Þetta verður í lagi en ég var mjög slæm í nokkra daga,“ segir Khloé í stiklunni.
„Ég kastaði upp, titraði og var heitt og kalt til skiptis. Ég er með mígreni, en ég myndi ekki kalla þetta mígreni sem ég fékk, þetta var alveg klikkaður hausverkur. Mér sveið í brjóstkassann þegar ég hóstaði og ég er enn með hálsbólgu, en ég get sagt ykkur að þessi [veira] er alvöru […] Megi Guð blessa okkur öll,“ segir hún.
Horfðu á myndbandið hér að neðan.