Nadia skrifar reglulega pistla fyrir ástralska miðillinn News.au. Í nýjasta pistlinum segir hún að fjöldi karlmanna hugsi illa um hreinlæti og segir það gefa frasanum „eitruð karlmennska“ nýja merkingu.
Hún vísar í könnun frá árinu 2018. 84 prósent karlmanna sögðu að það væri „mjög mikilvægt“ að þvo sér um hendurnar eftir klósettferð, miðað við 91 prósent kvenna sögðu það sama.
Nadia segir að „þúsundir“ kvenna hafa leitað til Reddit og beðið um ráð um hvernig þær geta fengið eiginmenn sína til að hætta að skilja eftir bremsufar í nærbuxunum.
„Kannski erum við ekki að skilja eitraða karlmennsku. Kannski vísar „eitruð“ í skelfilegu lyktina sem kemur frá óhreinum líkömum karlmanna,“ segir hún.
„En svona í alvöru, hreinlæti karlmanna og þessar hrikalega litlu kröfur sem við setjum þeim, sýnir tvískinnunginn þegar kemur að gagnkynhneigðum samböndum.“
Nadia segir að allar vinkonur hennar „fara í gegnum svakalega rútínu til að tryggja að píkan þeirra bæði líti vel út og lykti vel áður en þær stunda kynlíf.“
Hún nefnir nokkur dæmi, meðal annars laser-háreyðingu, sturtu fyrir kynlíf og að nota hreinsiklúta.
„Það versta við þetta er að flestar þær konur sem ég talaði við sögðust hafa lent í því að karlkyns maki þeirra gerði lítið úr útliti eða lykt kynfæra þeirra, þrátt fyrir að þær hugsuðu um hreinlæti sitt á allt öðrum skala en þeir gætu nokkurn tíma ímyndað sér.“
Nadia bendir á að samkvæmt niðurstöðum rannsóknar BMC Women‘s Health þá nota 53 prósent kvenna hreinsisprey á kynfæri, þrátt fyrir að það auki líkur á bakteríusýkingu í leggöngum,
„Í stuttu máli þá erum við konur að bókstaflega þrífa okkur þar til við verðum veikar, á meðan karlmenn hvorki skeina sér né þrífa kynfærin sín,“ segir Nadia og bætir við að þetta þurfi að breytast og það sem fyrst.
Hún segir að konur þurfi að hætta að leyfa karlmönnum að komast upp með þetta, hætta að biðjast afsökunar á því sem er ekki þeim að kenna og hætta að leita til Reddit með vandamálin og tala við karlmennina sem um ræðir.
