Ágúst Bjarneyjarson, bíladellukall og faðir, ætlaði að nýta sér Ali Express til að panta sér öryggisbílbelti fyrir lítinn „Power Wheels“ bíl sem sonur hans keyrir. Ágúst fékk þó ekki það sem hann hafði pantað.
Þegar Ágúst opnaði pakkann frá Ali Express blasti við honum alls kyns kynlífsdót. „Þetta er það sem ég fékk sent frá Ali,“ segir Ágúst í færslu á Facebook-hópnum Brask og brall en Ágúst gaf DV góðfúslegt leyfi til að greina frá málinu.
„Augljóslega er þetta ekki 4 punkta öryggis bílbeltið sem ég pantaði,“ segir Ágúst en bendir þó á að vissulega er kynlífsdótið í sama lit og bílbeltið sem hann hafði pantað. „Það er víst ekki nóg í öllum tilfellum,“ segir hann.
„Þar sem ég hef engan áhuga á að tjóðra niður og binda það sem ég borða í svefnherberginu… þá fæst þetta á sanngjörnu verði,“ segir hann í færslunni á sölusíðunni. „Þetta er voðalegt pjátur… gervileður á kínverskum heimsmælikvarða og þessir „járn“ hlekkir myndu allavegana ekki halda mér lengi… eflaust fínt fyrir byrjendur og forvitna sem leiðist heima í sóttkví… eða eðal tækifæris gjöf til að slá tengdasoninn út af laginu í möndlugjöfinni um komandi jól.“
Þá segir Ágúst að þetta sé allt saman staðsett á Eyrarbakka en að hann muni eflaust afhenda þetta á Stokkseyri. „Þar sem kynvillingarnir búa þar, þá er það eina vitið til afhendingar… en ef þið eruð feimin… já eða nú í sóttkví… þá er lítið mál að skella þessu í glæran plastpoka og í póst.“