Fimmtugi Hollywood-leikarinn og óskarsverðlaunahafinn Matthew McConaughey opnar sig um erfiðar lífsreynslur í nýútgefinni endurminningabók Greenlights. Þar segist hann hafa verið neyddur til að stunda kynlíf í fyrsta skipti, þegar hann var fimmtán ára. People fjallar um málið.
„Ég var kúgaður til að stunda kynlíf í fyrsta skipti, þegar ég var fimmtán ára“ skrifar hann. „Ég var viss um að ég væri að fara til helvítis fyrir að stunda kynlíf utan hjónabands. Í dag efast ég um að þannig sé það.“
Þá segist hann einnig hafa verið misnotaður er hann lá meðvitundarlaus í sendiferðabíl, þá átján ára.
Þrátt fyrir þessar erfiðu lífsreynslusögur segir McConaughey, að hann hafi aldrei upplifað sig sem fórnarlamb.
„Ég hef tekið eftir því að heimurinn gerir stöðugt í því að sjá til þess að ég sé hamingjusamur.“
