Auðunn Blöndal, ein skærasta sjónvarpsstjarna Íslands, greindi frá því á samfélagsmiðlinum Instagram í dag að hann ætti von á öðru barni sínu með unnustu sinni, Rakeli Þormarsdóttur.
Auðunn deildi mynd af syni þeirra ásamt sónarmynd af næsta barni. „Hvað er að gerast?“ spurði Auddi með færslunni. „Verðum fjögur í maí,“ bætti hann síðan við. Færslan hefur vakið gífurlega athygli á samfélagsmiðlinum en rúmlega 1000 manns gáfu henni hjarta, einungis 5 mínútum eftir að hún fór í loftið. Færslan var síðan komin með rúmlega 3000 hjörtu eftir 20 mínútur.
https://www.instagram.com/p/CGsJxcVj8w6/
DV óskar Auðunni og Rakeli innilega til hamingju.