Tuborg jólabjórinn kemur fyrr í verslanir í ár sökum þess að J-degium vinsæla, sem markað hefur upphaf sölu jólabjórs frá Tuborg, hefur verið aflýst vegna kórónuveirufaraldursins. Ekki hefur fengið staðfest að aðrar tegundir jólabjórs komi fyrr í verslanir en Íslendingar eiga það til að vera ákaflega spenntir yfir jólaveigum. Í fyrra voru 78 tegundir af jólabjór til sölu og árið þar á undan 60 tegundir.
Þetta er í fyrsta skipti sem J-dagurinn fellur niður en í staðinn mun bjórinn koma fyrr í verslanir. Bjórinn verður fáanlegur í hillum vínbúða frá og með fimmtudeginum 5. nóvember næstkomandi. Hið sama gildir um þá veitingastaði sem opnir verða samkvæmt gildandi reglum.