Birna Ósk Einarsdóttir, framkvæmdastjóri sölu- og þjónustusviðs Icelandair og eiginmaður hennar Kristinn Ingvarson, framkvæmdastjóri Íslenskrar ættleiðingar hafa sett raðhús sitt á Seltjarnarnesi á sölu. Húsið er hlýlega innréttað og á vinsælum stað á Seltjarnarnesi. Eignin er auglýst á fasteignavef Vísis.
Um er að ræða 247 fermetra endaraðhús og eru settar tæplega 127 milljón krónur á eignina. Húsið er á tveimur hæðum og er neðri hæð hönnuð af Berglindi Berndsen innanhússarkitekt. Það skiptist í forstofu, eldhús, tvær stofur, fjögur svefnherbergi, tvö baðherbergi, þvottahús og geymslu.
Það er einnig bílskúr sem fylgir eigninni, pallur og heitur pottur.
Sjáðu myndirnar af höllinni hér að neðan.