Zoe Roe vinnur í skartgripaverslun og lenti í frekar áhugaverðu atviki á dögunum. Zoe er með yfir 340 þúsund fylgjendur á TikTok og deilir myndbandi þar sem hún segir frá því þegar hún afgreiddi karlmann sem var að kaupa gjöf handa eiginkonu sinni – og kærustu sinni. Myndbandið hefur fengið yfir átta milljón áhorf og hafa fjölmiðlar á borð við Daily Mail og Yahoo fjallað um málið.
Karlmaður kom inn í verslunina og sagðist vera að leita að gjöf fyrir eiginkonu sína í tilefni tíu ára sambandsafmælis þeirra. Eftir að hafa valið fallegt hálsmen með áletruninni: „Til fallegu eiginkonu minnar“ sagðist maðurinn þurfa að velja annað hálsmen, en vildi borga það með öðru kreditkorti.
Maðurinn valdi hálsmen með áletruninni: „Til fallegu kærustu minnar.“
Zoe pakkaði inn gjöfunum. „Hann lét mig merkja pokann með gjöf eiginkonu sinnar með „K“ fyrir Kristin, og hinn pokann með „L“, fyrir Laura. Ég setti fallegar slaufur á pokana og sagði að þær ættu eftir að elska gjafirnar. Hann þakkaði fyrir sig,“ segir hún.
„Fjárinn. Ég var bara að muna að eiginkona hans heitir Laura og kærasta hans heitir Kristin. Ég hef ruglað saman pokunum. Úps!“
Athæfi Zoe hefur vægast sagt slegið í gegn hjá netverjum. Horfðu á myndbandið hér að neðan.
@zozoroeWhat a good day to look out for other women😈 this happens too often. ##fyp ##whydomen ##storytime ##CTCVoiceBox ##DayInMyLife ##OikosOneTrip ##funny ##viral♬ original sound – Zoe Roe
Aðspurð hvað Zoe ætli að gera ef yfirmaður hennar sér myndbandið svarar hún:
@zozoroe Reply to @natekarrs oops silly me ##fyp
