Sjónvarpsstjarnan Fanney Birna Jónsdóttir hefur sett á sölu íbúð hennar og manns hennar, Andra Óttarssonar.

Eignin er í fjölbýlishúsi við Vesturgötu í 101 Reykjavík. Íbúðin er alls 103,9 fermetrar að stærð með svölum til suðurs. Blasir Esjan og Móskarðshnjúkar við úr gluggum íbúðarinnar í norðri. Tvö svefnherbergi og tvær stofur eru í íbúðinni en möguleiki er á að breyta einni stofunni í þriðja svefnherbergið.

Þau Fanney og Andri hafa búið þarna í 10 ár og var íbúðin tekin í gegn þegar þau fluttu inn og baðherbergi endurnýjað árið 2019. Innréttingar eru einkar fallegar, eldhústækin frá Miele og lýsing íbúðarinnar hönnuð af Lumex. Hvergi hefur því verið sparað.

Gamli vesturbærinn hefur sótt í sig veðrið undanfarin ár og er nú að öllum líkindum eftirsóttasti staður landsins að búa á. Þaðan er stutt í alla þjónustu, verslun auk þess sem Reykjavíkurborg hefur eflt til muna hjóla og gönguleiðir í nágrenni svæðisins undanfarin ár.

Sjá má fleiri myndir og nánari lýsingu á eigninni á fasteignavef Vísis, til dæmis.