Leikarinn Jóhannes Haukur er nýjasti gestur Egils Ploders í Burning Questions. Hann svarar mörgum skemmtilegum og erfiðum spurningum. Hann var meðal annars beðinn um að raða fjórum meðleikurum sínum úr Svartur á leik í röð frá versta leikara í besta leikara. Hann þarf að raða Maríu Birtu, Þorvaldi Davíð, Damon Younger og Agli Einarssyni.
„Þetta er bara ljótt Egill,“ segir Jóhannes Haukur.
Jóhannes Haukur hefur þetta einfalt og setur Egil í langefsta sætið, langt fyrir ofan hina, og svo lætur hann Þorvald, Maríu Birtu og Damon deila öðru til fjórða sætinu.
„Jújú þau kunna þetta en Egill er bestur. Ég meina þetta, hann er með þetta,“ segir hann.
Aðspurður hvað sé það skrýtnasta sem hann hefur gert fyrir pening segist Jóhannes alveg vita hvað það er.
„Ó guð ég veit nákvæmlega hvað það er. Ég fæ bara ónotatilfinninguna. Þetta var árið 2001 og fyrsti iPhone síminn kom ekki fyrr en 2006/2007. Þannig þessir snjallsímar voru ekki til en það voru til svona samlokusímar með svona skjá […] Nýjasta nýtt að það var hægt að skoða lítil myndbönd,“ segir Jóhannes Haukur og heldur áfram.
„Það var símafyrirtæki hérna sem var með fótboltaþjónustu, mörkin í símanum. Þannig þú gast fengið send [skilaboð með bara mörkunum sem var skorað í fótboltaleik]. Þetta var einhver markaðssetning sem átti að prófa,“ segir Jóhannes Haukur og útskýrir að hann hvorki horfi á fótbolta né hafi einhvern áhuga á íþróttinni.
„Þeir ákveða að tala við einhverja hressa úr leiklistarskólanum og tala við mig og tvo aðra um að fá þessa síma, veistu ég get ekki sagt þetta. Við áttum að fara inn á þessa staði þar sem var verið að sýna leikina. Pælingin var þessi, við vorum þar, ohh mig verkjar,“ segir Jóhannes Haukur og lýsir því hvernig þeir áttu sitja innan um fólkið sem var að horfa á fótboltaleik og þegar mark var sent í símann áttu þeir að vekja athygli á þjónustunni.
„Við gerum þetta. Mætum á Players og það voru auðvitað allir bara að horfa á leikinn. Svo kom eitthvað í símann og ég var auðvitað ekkert að fara að sýna neinum þetta. Hvaða rugl er þetta. Við staulumst í gegnum þetta en gildið fyrir fyrirtækið var ekkert. Þeir fengu ekkert út úr þessu en við fengum ókeypis síma.“
Horfðu á þáttinn hér að neðan.
https://www.instagram.com/p/B7EWa3bArjg/
