„Unga kynslóðin í keppninni fær mitt atkvæði. Áhugaverðar, ungar kvenraddir að hefja upp raust sína. Það verður spennandi að fylgjast með þeim í framtíðinni.“
Ásta Hrafnhildur Garðarsdóttir
„Ég er varla búin að jafna mig á tapi Hatara í fyrra (er með gimp-grímu til sölu!). Er samt spennt að sjá hvort Daði og Gagnamagnið fái ekki sinn séns til að sjarmera heiminn með „eitís“ hljóðgervlapoppi.“
Íris Sif Kristjánsdóttir
„Fylgist alltaf með Söngvakeppninni er samt ekki alveg búin að heyra lögin það vel að ég geti sest í dómarasæti. Vona bara að besta lagið vinni sem virkar erlendis.“
Herbert Guðmundsson
„Daði Freyr og Gagnamagnið. Það fær mig til að dilla.“
Anne Birgitte Johansen
„Daði er alltaf minn maður. En ég hef góða tilfinningu fyrir að Iva muni fara langt í keppninni. Eurovision-nötters virðast halda hún geti alveg endað í topp 5. Ég hef lúmskan grun að það gæti gerst þótt maður sé byrjaður að hljóma eins og biluð plata – að við gætum loksins unnið. Svo gæti Dimma komið á óvart þótt ég sé sjálfur ekki það hrifinn. Tikkar í öll box sem pabbarokk.“
Tómas G. Jóhannsson