Athafnamaðurinn Hallur Dan Johansen hefur sett einbýlishús sitt við Látraströnd á Seltjarnarnesi á sölu og vill rúmar 130 milljónir fyrir slotið. Um er að ræða rúmlega 250 fermetra eign sem hefur verið endurnýjuð að öllu leyti.

Húsið er búið þremur svefnherbergjum og þremur baðherbergjum og á bak við húsið er skjólgóður garður.

Hallur Dan var sakfelldur í fyrra fyrir meiriháttar brot á skattalögum í gegnum veitingastaðina Laundromat Reykjavík og Austur. Hallur hafði ekki áður gerst brotlegur við lög en hann opnaði Austur árið 2009 ásamt Valgarði Þórarni Sörensen, sem einnig var dæmdur fyrir brot á skattalögum, og Ásgeiri Kolbeinssyni. Hallur og Valgarður voru eigendur Laundromat þegar félagið varð gjaldþrota árið 2014.