Margrét Edda Gnarr og unnusti hennar Ingimar Elísson eignuðust son þann 13. janúar síðastliðinn.

Margrét opnar sig um fæðinguna, sem hún lýsir sem erfiðari og dramatískri, í einlægum pistli á Instagram.

„Það erfiðasta sem ég hef einhvern tíma gert og besti dagur lífs míns,“ segir hún.

Margrét vaknaði 3:30 um nóttina þann 13. janúar með skrýtna tilfinningu. Stuttu síðar missti hún vatnið og fékk fyrstu hríðina um tíu mínútum seinna. Eftir um klukkutíma voru hríðarnar á 3-5 mínútna fresti og urðu kröftugri í hvert skipti.

„Ég fór á sjúkrahúsið klukkan 4:30 í skoðun og komin með fjóra í útvíkkun. Það var sífellt styttra á milli hríða og ég gat ekki trúað því að þær gætu orðið verri. Þegar ég kom inn á fæðingarstofuna féll ég í gólfið því ég var í svo miklum sársauka. Mér fannst eins og það væri engin hvíld á milli og það var á þessum tímapunkti sem ég bað um mænudeyfingu. Ég ætlaði ekki að fá mænudeyfingu en ég var viljug að gera hvað sem er til að láta sársaukann hverfa! Á meðan ég beið eftir mænudeyfingu byrjaði ég að æla nánast alltaf þegar ég fékk hríð. Þetta var VERSTI sársauki sem ég hef fundið á ævi minni,“ segir Margrét.

https://www.instagram.com/p/B7Y_lKSlE7y/

Mænudeyfingin byrjaði að virka og gekk allt vel næstu átta tímana.

„En síðan fór hjartsláttur barnsins míns að lækka. Á þessum tímapunkti var ég komin með um átta í útvíkkun og þurfti að liggja á hægri hlið minni til að ná honum aftur upp. Það virkaði í smá tíma en þegar ég var nánast komin með tíu í útvíkkun hætti það að virka. Hann þurfti að koma út sem fyrst! Ég fékk lyf til að flýta fyrir útvíkkunarferlinu svo ég gæti byrjað að rembast.“

Það endaði með því að sonur hennar var tekinn út með sogklukku.

„Þetta var frekar dramatískt í lokin en sonur minn kom lifandi í heiminn.“

Að lokum þakkar Margrét starfsfólki spítalans og læknunum sem hjálpuðu henni. Hún þakkar einnig unnusta sínum og systur sinni Kamillu Gnarr sem voru bæði viðstödd fæðinguna.

Sjáðu magnaðar myndir úr fæðingunni hér að neðan. Þú getur skoðað fleiri myndir með því að ýta á örina til hægri.

https://www.instagram.com/p/B7gtaevFc-_/