Guðjón Smári og Brynjar Ingi snúa aftur og gagnrýna nýjasta þátt Tinder laugarinnar. Þeir eru þáttastjórnendur Alvarleikans þar sem þeir gera grín af hinum ýmsu hlutum. Þáttur þeirra um fyrsta þátt Tinder laugarinnar vakti mikla athygli. Guðjón kallaði þáttinn meðal annars viðbjóðslegan og voru þeir mjög hneykslaðir yfir ummælum og spurningum í þættinum.
Sjá einnig: Guðjón og Brynjar rífa í sig Tinder laugina: „Þetta er ógeðslegt, ég get ekki horft á þetta“
Guðjón og Brynjar horfa á fimmta og sjötta þátt Tinder laugarinnar. Um er að ræða „einn“ þátt sem er í tveimur hlutum. Þessi tiltekni þáttur hefur vægast sagt vakið mikla athygli. Þá aðallega vegna ölvunarástands keppanda eitt. Sá keppandi var tekinn úr keppni og var fenginn nýr keppandi í hans stað, sem stóð uppi sem sigurvegari í lok þáttarins.
Sjá einnig: Of fullur fyrir Tinder laugina – Erfiðar kynlífsspurningar: „+Eg er alveg fínn í rúminu sko!“
Tinder laugin hefur verið bæði harðlega gagnrýnd og höfð að háði og spotti fyrir „óviðeigandi“ og „grófar“ kynlífsspurningar. Lína Birgitta, umsjónamaður Tinder laugarinnar, svaraði þeirri gagnrýni og sagði meðal annars:
„Ég hef sagt frá byrjun að Tinder laugin á að vera óþægilega skemmtilegur þáttur. Þegar ég segi óþægilega skemmtilegur þáttur þá þýðir það ekki að það sé fyrir þig, sem ert að horfa. Það er ekki hægt að gera öllum til geðs, það er engan veginn hægt.“
Það er því óhætt að segja að Tinder laugin hefur borið talsvert á góma landsmanna síðustu vikur. Guðjón og Brynjar hafa margt um þáttinn að segja og eru frekar hneykslaðir yfir ástandi keppanda áður en keppni hefst.
„Þetta er ekki byrjað og allir blindfullir,“ segir Brynjar.
Keppandi þrjú slær í gegn hjá Alvarleikabræðrunum. Þeir kalla hann „blíðan og góðan“ og segjast báðir halda með honum.
„Hann er ekkert að mæta til að fá einhver stig. Hann er bara að mæta til að vera hann sjálfur,“ segir Guðjón um keppanda þrjú.
„Þetta var karlrembulegasta sem ég hef heyrt,“ segir Guðjón yfir svari keppanda númer tvö þegar hann segir að draumakonan þurfi að kunna að elda.
„Allt við þetta var ógeðslegt,“ segir Brynjar.
Keppandi númer tvö vakti ekki mikla lukku á meðal netverja og ekki heldur hjá Guðjóni og Brynjari.
„Er maður orðinn þreyttur á þessum gæja í alvörunni,“ segir Brynjar um keppanda númer tvö. „Þvílíkur kjaftur og ræpa. Slakaðu á í töffaraskapinu.“
Ef þig langar að horfa á Guðjón og Brynjar horfa og skjóta fast á Tinder laugina, þá geturðu gert það hér að neðan.
https://www.instagram.com/tv/B7b2UQQAWar/?igshid=ocqtkf57q9mj&fbclid=IwAR2J3lYI1aob-rN2TRt8VoLxWbzA1DT7RXm7UrPnlSBZLOKnGV-S9AwCE0I
