fbpx
Miðvikudagur 01.apríl 2020
Fókus

Yfirheyrslan – Tyrfingur Tyrfingsson – Óttast mest sjálfsvorkunn

Íris Hauksdóttir
Sunnudaginn 19. janúar 2020 14:00

Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Tyrfingur Tyrfingsson leikskáld frumsýnir um helgina sitt fimmta verk í Borgarleikhúsinu en það nefnist Helgi Þór rofnar og fjallar um fúskara í útfararþjónustu í Kópavogi sem allt í einu lenda í grískum harmleik. Tyrfingur býr í Amsterdam og hafa verk hans verið þýdd á fjölmörg tungumál og boðin á leikhúshátíðir víða um Evrópu. Þá hlaut verk hans Kartöfluæturnar tilnefningu til Menningarverðlauna DV árið 2017. Tyrfingur er í yfirheyrslu helgarinnar.

Hvar líður þér best?
Á rölti í Amsterdam.

Hvað óttastu mest?
Sjálfsvorkunn.

Hvert er þitt mesta afrek?
Leikritin sem ég hef skrifað – Bláskjár, Auglýsing ársins, Kartöfluæturnar og núna Helgi Þór rofnar.

Furðulegasta starf sem þú hefur tekið að þér?
Að mála gult. Ég var í ofnæmishóp hjá Kópavogsbæ og við fengum það verkefni að mála alla götukanta í bænum gula. Fyrir ofan holræsi, þar sem strætó stoppar og svo framvegis. Mig dreymir stundum ennþá gula götukanta og að ég sé ekki að mála þá nógu vel.

Hver væri titillinn á ævisögu þinni?
„Farið svo öll til helvítis“

Hvernig væri bjórinn Tyrfingur?
Eitraður.

Besta ráð sem þú hefur fengið?
Ef maður er blankur en langar að setja á sig andlitsmaska, að þeyta eggjuhvítu og úða henni yfir smettið á sér og bíða þar til hún harðnar. Bæta svo á þar til að eggjahvítan klárast og þrífa svo úr sér í sturtu. Eins og nýr.

Hvert er leiðinlegasta húsverkið?
Alla vega ekki love making!

Besta bíómynd allra tíma?
The Cook, the Thief, His Wife and Her Lover eftir Peter Greenaway með Michael Gambon og Helen Mirren. Barry Lyndon eftir Kubrick og svo La Grande Bouffe eftir Marco Ferreri.

Hvaða hæfileika myndir þú vilja búa yfir?
Ég væri til í að geta tálgað skálar og smjörhníf og svona alls konar.

Hver er mesta áhætta sem þú hefur tekið?
Að skrifa leikrit um það sem skiptir mig máli án þess að spá í hvað öðrum finnst.

Hvaða frasi eða orð fer mest í taugarnar á þér?
Fallegt. „Bara svo æðislega fallegt …“ Þreytandi.

Hvað geturðu sjaldnast staðist eða ert góður í að réttlæta að veita þér?
Gæjalegt væri að geta sagt amfetamín en svarið er glænýr Þristur eða Grænn hlunkur, eða sem sagt nammi.

Hvað er á döfinni hjá þér?
Frumsýning um helgina á Helgi Þór rofnar í Borgarleikhúsinu með Hirti Jóhanni, Hilmari Guðjónssyni, Þuríði Blævi og Bergi Þór í leikstjórn Stefáns Jónssonar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Yfirmenn Reebok Fitness bornir þungum sökum – „Þetta er ekki spurning um hvort, heldur hvenær slysin gerast“

Yfirmenn Reebok Fitness bornir þungum sökum – „Þetta er ekki spurning um hvort, heldur hvenær slysin gerast“
Fókus
Fyrir 4 dögum

Þetta er manneskjan sem ber ábyrgð á öllum óþolandi Tik Tok-dönsunum sem barnið þitt elskar

Þetta er manneskjan sem ber ábyrgð á öllum óþolandi Tik Tok-dönsunum sem barnið þitt elskar
Fókus
Fyrir 4 dögum

Ásgeir Kolbeins sér eftir að hafa leyft karlmanni að reyna við sig

Ásgeir Kolbeins sér eftir að hafa leyft karlmanni að reyna við sig
Fókus
Fyrir 5 dögum

Guðný gefur Íslendingum ráð: „Þið eruð því miður á leiðinni þangað að öllum líkindum“

Guðný gefur Íslendingum ráð: „Þið eruð því miður á leiðinni þangað að öllum líkindum“
Fókus
Fyrir 1 viku

Ráð fyrir fjölkært fólk til að díla við COVID-19 – „Fyrir fólk sem á fleiri en einn maka getur verið mjög erfitt að vera í sóttkví“

Ráð fyrir fjölkært fólk til að díla við COVID-19 – „Fyrir fólk sem á fleiri en einn maka getur verið mjög erfitt að vera í sóttkví“
Fókus
Fyrir 1 viku

Leifur, níu ára, segir slæmt að eiga afmæli í dag og hlakkar til þess að kórónuhelvítinu ljúki – „Eins og hjá frænku minni sem á afmæli 11. september“

Leifur, níu ára, segir slæmt að eiga afmæli í dag og hlakkar til þess að kórónuhelvítinu ljúki – „Eins og hjá frænku minni sem á afmæli 11. september“
Fókus
Fyrir 1 viku

Vikan á Instagram: „2020, árið sem allt fór í fokk“

Vikan á Instagram: „2020, árið sem allt fór í fokk“
Fókus
Fyrir 1 viku

Hollywood í klóm veirunnar – „Sjáumst næsta vor“

Hollywood í klóm veirunnar – „Sjáumst næsta vor“