Sunnudagur 26.janúar 2020
Fókus

Sigurjón: Íslenskir ráðherrar gætu lært mikið af Guðmundi

Fókus
Þriðjudaginn 14. janúar 2020 08:51

Guðmundur Þ. Guðmundsson

Ekki missa af Helstu tíðindum dagsins í pósthólfið þitt

Lesa nánar

„Vonandi hafa ráðherrarnir fylgst vel með handboltamótinu. Þar kemur skýrt fram að Guðmundur þjálfari undirbýr sig og liðið. Hann ann sér ekki hvíldar. Veit að góður undirbúningur skilar sér.“

Þetta segir fjölmiðlamaðurinn og ritstjórinn Sigurjón M. Egilsson í stuttum pistli á vef Miðjunnar. Eins og alþjóð veit hefur íslenska handboltalandsliðið staðið sig með miklum sóma á Evrópumótinu í handknattleik sem nú stendur yfir. Ísland vann heims- og ólympíumeistara Danmerkur á laugardag og í gær rúllaði liðið yfir Rússland, vann með 11 mörkum.

Sigurjón M. Egilsson.

Guðmundur Þ. Guðmundsson er landsliðsþjálfari Íslands og hann hefur fyrir löngu sýnt það og sannað að hann er einn allra fremsti handboltaþjálfari heims. Sigurjón telur að ráðherrar hér á landi gætu lært ýmist af vinnusemi Guðmundar sem kortleggur hvern andstæðing vel og skipuleggur komandi verkefni í þaula.

„Ráðherrarnir dúlla sér hins vegar. Þannig að þingmenn ræða þingmannamál. Í atvinnubótavinnu. Þau deyja nánast öll. Ástæðan er sú að ráðherrarnir skilja ekki að góður undirbúningur er nauðsyn. Það er ef  vel á  að fara.

En það gerist ekki. Skömmu áður en blásið er til langra hléa á þingstörfum birtast ráðherrarnir með fullar hjólbörur af misvel skrifuðum þingmálum. Þá tekur við undarleg færibandavinna. Án þess að geta kynnt sér málin greiða þingmenn með eða á móti. Margir greiða atkvæði óupplýstir um innihald málanna.“

Sigurjón endar pistilinn á þessum orðum:

„Víst er að ráðherrar, sem og aðrir stjórnmálamenn, geta lært af Guðmundi Þ. Guðmundssyni. Hann lætur ekki leikmennina sitja aðgerðarlausa dögum saman og mætir svo daginn fyrir leik með allt það sem hann hyggst leggja upp. Hann undirbýr sig vel og við sjáum árangurinn.

Við sjáum líka sleifarlagið sem tíðkast í æðstu stjórnsýslu ríkisins. Guðmundur Þ. Guðmundsson er tilvalin fyrirmynd.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Rúnar og Nína höfð að háði og spotti – Telja kotasælu lækna krabbamein

Rúnar og Nína höfð að háði og spotti – Telja kotasælu lækna krabbamein
Fókus
Fyrir 3 dögum

„Þegar þú ert með fleiri skópör en setningar veistu að þú ert með lítið hlutverk”

„Þegar þú ert með fleiri skópör en setningar veistu að þú ert með lítið hlutverk”
Fókus
Fyrir 4 dögum

Þórunn: Hjónin voru uppgefin fyrir 2 árum – Ánægjuleg sjón mætti henni í gær

Þórunn: Hjónin voru uppgefin fyrir 2 árum – Ánægjuleg sjón mætti henni í gær
Fókus
Fyrir 5 dögum

Sigríður greindist með krabbamein: „Það að vera þarna í níu daga breytti lífi mínu“

Sigríður greindist með krabbamein: „Það að vera þarna í níu daga breytti lífi mínu“
Fókus
Fyrir 1 viku

Nærmynd: Hildur Guðnadóttir – Hætti að vera puntudúkka sjö ára

Nærmynd: Hildur Guðnadóttir – Hætti að vera puntudúkka sjö ára
Fókus
Fyrir 1 viku

Spurning vikunnar: Hvað verður heitasta trendið á árinu?

Spurning vikunnar: Hvað verður heitasta trendið á árinu?